BANDULLÍN, TICO E DONA PAPELETA

SEPARACIÓN DO LIXO

Na sesión de hoxe tocou coñecer máis a fondo a Bandullín, Tico e Dona Papeleta, as tres 

personaxes que nos axudan a identificar as tres papeleiras que temos nas aulas. Para isto 

primeiro vimos un conto protagonizado por elas e despois puxemos en práctica os nosos 

coñecementos botando diferentes tipos de residuos en cada papeleira, como podedes ver 

na presentación de fotos que aparece nesta entrada.

Agora tócavos ás familias darlle continuidade a estes hábitos de respecto cara o  

medio ambiente!

SEGUIMOS A TRABALLAR

Na última sesión do Proxecto Voz Natura continuamos cos traballos de preparación da terra da horta e saímos outros 3 grupos de 5 nenas e nenos de cada aula de 2 anos. Antes de traballar coas ferramentas estivemos practicando sobre o terreo como podemos desprazarnos pola horta sen pisar a terra.

Aquí tedes unha presentación con fotos do moito que traballamos.

TRABALLOS NA TERRA

TRABALLANDO NA HORTA

Hoxe fixemos a primeira saída en pequenos grupos para traballar na horta. Estivemos camiñando pola horta sen pisar a terra empregando os camiños que hai ao seu redor....fixémolo xenial!

Depois puxémonos mans á obra coas ferramentas e estivemos removendo a terra para que estea lista para poder cultivar nela.

Antes de voltar para a aula vimos unhas plantas que que había na horta. Eran plantas de pataca e dentro da terra, xunto ás raíces das plantas....sorpresa!....estaban as patacas. Estivemos tocándoas e observándoas e despois levámolas para a aula para amosarllas ás profes e ao resto dos amigos.

Aquí tedes unha presentación con fotos onde vos amosamos todo o que fixemos.

TRABALLANDO A TERRA